Saturday, October 21, 2017

MAREKANI YAZIDI KUJIKITA KIJESHI AFRIKA; IDADI YA ASKARI WAKE BARANI HUMO YAONGEZEKA MARA TATU

Marekani yazidi kujikita kijeshi Afrika; idadi ya askari wake barani humo yaongezeka mara tatu
Gazeti la Kifaransa la Le Monde limeripoti kuwa Marekani imepanua wigo wa uingiliaji wake kijeshi katika nchi za Afrika kwa kuongeza idadi ya askari wake walioko kwenye nchi za bara hilo.
Kwa mujibu wa gazeti hilo, katika muendelezo wa sera za Washington za kudhamini maslahi yake, idadi ya askari wa Marekani wanaopelekwa katika nchi za Afrika kwa anuani ya "utoaji mafunzo, uratibu wa majeshi ya nchi za Kiafrika na kushiriki katika mapambano dhidi ya makundi ya kigaidi" imeongezeka mara tatu katika kipindi cha miaka mitatu iliyopita.
Ramani ya vituo vya vijeshi na vinginevyo vya Marekani barani Afrika
Le Monde limeongeza kuwa, katika harakati inayolenga kudhamini manufaa na maslahi yake barani Afrika, Marekani imekuwa ikivuruga uthabiti ndani ya nchi za bara hilo ili kuongeza idadi ya vikosi vya jeshi lake, kiasi kwamba baada ya Mashariki ya Kati, bara Afrika limekuwa eneo la pili lenye uingiliaji mkubwa zaidi wa kijeshi wa Marekani duniani.
Kwa mujibu wa viongozi wa Marekani, kati ya askari elfu nane wa kikosi maalumu cha nchi hiyo ambao tangu ulipoanza mwaka huu wa 2017 wametumwa katika pembe mbalimbali za dunia, zaidi ya askari 1,300 wako barani Afrika na wengine karibu 5,000 wako katika eneo la Mashariki ya Kati.../

SHAMBULIO LA MOGADISHU, SOMALIA YAFIKIA 358 WALIOUAWA

  • Idadi ya waliouawa katika shambulio la Mogadishu, Somalia yafikia 358
Idadi ya watu waliouawa katika shambulio la kigaidi la siku ya Jumamosi iliyopita katika mji mkuu wa Somalia, Mogadishu imeongezeka na kufikia 358.
Waziri wa Habari wa Somalia Abdurahman Othman ametangaza kuwa kuwa kwa mujibu wa taarifa za karibuni kabisa kuhusu waathirika wa shambulio la kigaidi la mjini Mogadishu, watu wasiopungua 358 wameuawa, 228 wamejeruhiwa na wengine 56 hawajulikani waliko hadi sasa.
Abdurahman Othman ameongeza kuwa majeruhi 122 wa shambulio hilo la kigaidi wamesafirishwa kupelekwa Uturuki, Sudan na Kenya kwa ajili ya kupatiwa matibabu.
Shambulio hilo la tarehe 14 Oktoba lililofanywa kwa kutumia lori lililotegwa bomu lilitokea katika eneo la kibiashara la Hodan lenye msongamano mkubwa wa watu katika mji mkuu wa Somalia, Mogadishu.
Baadhi ya waliouawa na kujeruhiwa katika shambulio hilo
Majengo na magari yaliyokuweko umbali wa mita mia kadhaa yaliharibiwa vibaya na mripuko mkubwa uliosababishwa na bomu hilo na watu wengi waliteketea kwa moto wakiwa hai au miili yao kukatika vipande vipande.
Kabla ya shambulio la siku ya Jumamosi iliyopita, shambulio kubwa zaidi la kigaidi kutokea nchini Somalia lilikuwa la mwezi Oktoba mwaka 2011 ambapo watu 82 waliuawa na wengine 120 walijeruhiwa.
Ijapokuwa hadi sasa hakuna mtu au kundi lolote lililotangaza kuhusika na shambulio hilo lakini viongozi wa serikali ya Somalia hawana shaka kuwa kundi la kigaidi na kitakfiri la Al Shabab ndilo lililofanya shambulio hilo...

Friday, October 20, 2017

POLISI KENYA: WATU 4 WAMEUAWA KATIKA MAPAMBANO YA UPINZANI

Polisi Kenya: Watu 4 wameuawa katika maandamano ya upinzani
Polisi ya kenya imesema kuwa watu wanne wameuawa katika maandamano ya upinzani nchini humo katika kipindi cha wiki mbili zilizopita huku uchaguzi wa rais wa marudio ukikaribia kufanyika wiki ijayo. Polisi ya Kenya imesema kuwa watu hao waliuawa katika mapigano yaliyotokea kati ya maafisa polisi na waandamanaji.
Polisi imeeleza kuwa, watu hao waliaga dunia kati ya tarehe 2 mwezi huu na siku ya Jumatatu iliyopita.
Itakumbukwa kuwa, mapema wiki hii Shirika la Msamaha Duniani (Amnesty International) liliituhumu polisi ya Kenya kuwa imeuwa watu 67 katika maandamano ya upinzani yaliyofanywa siku kadhaa baada ya kutangazwa matokeo ya uchaguzi mkuu wa nchi hiyo uliofanyika Agosti nane.
Mapambano ya polisi yasababisha kuuliwa waaandamanaji wafuasi wa upinzani 
Mahakama ya Juu ya Kenya ilitengua ushindi wa Rais Uhuru Kenyatta ikisema kuwa uchaguzi wa rais uligubikwa na kasoro na kuagiza uchaguzi wa marudio. Kiongozi wa muungano wa upinzani (Nasa) Raila Odinga ambaye hoja yake ya kupinga matokeo ya uchaguzi wa rais mahakamani ilipelekea kutenguliwa matokeo ya uchaguzi huo, ametangaza kujitoa katika uchaguzi wa marudio akisema kuwa uchaguzi huo una hatari ya kugubikwa na kasoro kama zile zilizojitokeza katika uchaguzi uliopita.

Thursday, October 19, 2017

RAIS PUTIN: MACHAFUKO ENEO LA MASHARIKI YA KATI YANASABABISHWA NA KUPENDA KUJITANUA KWA BAADHI YA PANDE

Rais Putin: Machafuko eneo la Mashariki ya Kati yanasababishwa na kupenda kujitanua kwa baadhi ya pande.
Rais Vladmir Putin wa Russia amesema kuwa, hali ya sasa ya eneo la Mashariki ya Kati imekuwa mbaya kutokana na njama za baadhi ya madola katika kulisukuma eneo hilo kuelekea kwenye maslahi yao binafsi.
Rais Putin aliyasema hayo Alkhamisi ya jana na kuongeza kuwa, baadhi ya madola yanafanya njama kupitia mapinduzi ya kijeshi na nguvu za kijeshi, kwa lengo la kuyaelekeza matukio ya eneo la Mashariki ya Kati kwenda upande wa maslahi yao binafsi. Amefafanua kuwa, hadi sasa baadhi ya nchi badala ya kupambana na ugaidi, zinajaribu kuvuruga usalama na amani ya eneo hilo. Rais Vladmir Putin ameongeza kuwa, katika uwanja huo Russia kwa kushirikiana na serikali halali ya Syria na baadhi ya nchi za eneo, zinapambana na magaidi kwa kufuata sheria za kimataifa.

Uhasama uliopo kati ya Marekani na Russia
Aidha Rais Putin ameashiria mgogoro wa eneo la Peninsula ya Korea na kusema kuwa, ni lazima mgogoro huo kutatuliwa kwa njia za amani. Akieleza kuwa, baadhi ya nchi zinatekeleza njama kupitia njia za kisiasa kwa ajili ya kudhamini maslahi yao ya kiuchumi, amesema kuwa, baadhi ya hatua za kisiasa zina malengo ya kibiashara na kwamba lengo la vikwazo vilivyopitishwa hivi karibuni na kongresi ya Marekani dhidi ya Russia, ni kuiondoa Moscow katika soko la nishati barani Ulaya.

LARIJANI: VITENDO VYA CHUKI VYA WAMAREKANI NI DUKUDUKU LA MABUNGE YOTE

Larijani: Vitendo vya chuki vya Wamarekani ni dukuduku la mabunge yote
Spika wa Majlisi ya Ushauri ya Kiislamu (Bunge la Iran) amezungumzia mazungumzo yake ya hivi karibuni na maspika wa mabunge ya nchi zilizoshiriki katika mkutano wa Umoja wa Mabunge Duniani mjini Saint Petersburg, Russia na kusema kuwa, maspika wa mabunge yote yaliyoshiriki kwenye mkutano huo wana wasiwasi na dukuduku na vitendo vya kiuadui vya Wamarekani.
Shirika la habari la IRIB limemnukuu Ali Larijani akisema hayo leo na kuongeza kuwa, katika matamshi yake ya hivi karibuni, rais wa Marekani, Donald Trump ameonesha sura halisi ya nchi yake lakini tab'an amelaumiwa na dunia nzima.
Amesema, maneno yasiyo na msingi yaliyotolewa na rais wa Marekani yanaonesha namna alivyoshindwa kuwakinaisha watu, hivyo, badala ya kutumia lugha ya mantiki, ameropoka mambo yasiyo na msingi.
Dk Ali Larijani akihutubia mkutano wa Umoja wa Mabunge Duniani mjini Saint Petersburg, Russia

Itakumbukwa kuwa, tarehe 13 mwezi huu wa Oktoba, rais wa Mareekani alitoa tuhuma zisizo na msingi dhidi ya Iran na alisema pia kuwa, hatounga mkono ripoti nane zilizotolewa na Wakala wa Kimataifa wa Nishati ya Atomiki IAEA zinazothibitisha kuwa Iran imeheshimu kikamilifu makubaliano ya nyuklia ya JCPOA.
Akiwa mjini Saint Petersburg, Dk Ali Larijani, Spika wa Majlisi ya Ushauri ya Kiislamu alionana na maspika wenzake kadhaa kama vile wa Iraq, Mexico, Vietnam na Uturuki na kujadiliana nao masuala mbalimbali ya pande mbili na masuala tata ya eneo hili.
Mkutano wa siku tano waa Umoja wa Mabunge Duniani ambao ulishirikisha ujumbe mbalimbali wa mabunge kutoka zaidi ya nchi 150 ulianza siku ya Jumamosi mjini Saint Petersburg, Russia chini ya kaulimbiu "Kueneza Utamaduni na Amani Kupitia Mijadala ya Kidini na Kikaumu."

Wednesday, October 18, 2017

MAELFU WAANDAMANA MJINI BARCELONA

Maelfu ya watu wameandamana katika mitaa ya Barcelona, Uhispania, baada ya mahakama nchini humo kuamuru viongozi wawili wa jimbo la Catalonia lenye utawala wa ndani kutiwa mbaroni. Catalonia yataka kujitenga.
Spanien Barcelona Demonstration gegen Inhaftierung (-picture alliance/AP Photo/M. Fernandez)
Msemaji wa mji wa Barcelona amesema kiasi ya waandamanaji 200,000 waliokuwa wameshika mishumaa mikononi mwao walisikika wakipaza sauti za kudai uhuru kabla ya kukaa kimya kwa dakika chache.  Maandamano mengine ya watu waliokuwa wameshika mishumaa mikononi yalifanyika katika miji mingine ya jimbo la Catalonia kupinga kushikiliwa kwa viongozi wawili wa jimbo hilo ambao ni Jordi Cuixart na Jordi Sanchez wanaotuhumiwa kwa makosa  ya uchochezi.
Mmmoja wa waandamanaji aliyefahamika kwa jina la Elias Houriz alisikika akisema " Wanataka tuogope ili tusifikirie juu ya uhuru wetu lakini hiyo itakuwa ni kinyume chake kwani tunazidi kuwa na mwamuko kadiri siku zinavyosonga na  mwishoni tutafikia lengo letu" mwisho wa kumnukuu.
Naye kocha wa kilabu ya Manchester City inayoshiriki ligi kuu ya kandanda ya  England, Pep Guardiola anayetokea pia katika jimbo la Catalonia alisema ushindi wa timu yake hapo jana dhidi ya Napoli hapo jana usiku  katika michuano ya kilabu bingwa barani Ulaya ameutoa maalumu kama ishara ya kuwaunga mkono viongozi wawili waliotiwa mbaroni na kutaka waachiwe huru haraka.  Guadiola ambaye amewahi kuinoa kilabu ya Barcelona alisema  utaifa ni muhimu kuliko kitu kingine chochote.
Maandamano hayo ya jana yamefanyika huku muda ukizidi kukaribia kabla ya hapo kesho Alhamisi ambayo ni tarehe iliyowekwa na serikali kuu ya mjini Madrid  inayomtaka kiongozi wa jimbo la Catalonia Carles Puigdemont kutamka wazi iwapo  anakusudia au kutokusudia kutangaza rasmi uhuru wa jimbo la Catalonia kufuatia kura ya maoni iliyofanyika Oktoba 1 ambayo ilipigwa marufuku na serikali ya mjini Madrid kwa maelezo kuwa ni kinyume cha katiba.

Puigbemont ataka majadiliano na Waziri Mkuu Mariano  Rajoy
Spanien Carles Puigdemont Premier der Regionalregierung (Reuters/I. Alvarado) Kiongozi wa Catalonia ,Carles Puigdemont
Hata hivyo kiongozi huyo amekataa hadi sasa kuitikia mwito huo akimtaka Waziri Mkuu  wa Uhispania Mariano Rajoy kukaa naye pamoja katika meza ya majadiliano jambo ambalo Rajoy hakubaliani nalo hali ambayo inaweza kuzidisha mgogoro wa kisiasa  nchini humo ikiwa ni mara ya kwanza tangu ilipojikomboa kutoka katika utawala wa kiimla mwaka 1977.
Hayo yanajiri huku pia wabunge 50 katika bunge la nchi hiyo wakiwemo wanaotoka katika jimbo la Catalonia wakibeba mabango ndani ya bunge hilo kushinikiza kuachiwa huru viongozi waliotiwa mbaroni wakiwataja kuwa ni wafungwa wa kisiasa.
Wakati huohuo sekta ya utalii ambayo ni moja ya sekta zinazochangia kwa kiwango kikubwa uchumi wa nchi hiyo inaonekana kuathirika  kutokana na kukosekana kwa uthabiti tangu kufanyika kura hiyo ya maoni  hiyo ikiwa ni kwa mujibu wa Waziri Mkuu Mariano Rajoy wakati alipolihutubia bunge la nchi hiyo akitetea hatua ya serikali  yake inayochukua katika kushughulikia mgogoro huo.
Mji wa Barcelona ambao ni mji mkuu wa Catalonia  ni moja  ya miji ambayo inatembelewa na watalii wengi nchini humo kila mwaka.

IEBC: NI VIGUMU KUHAKIKISHA UCHAGUZI WA HAKI

Mwenyekiti wa Tume ya Uchaguzi Kenya, Wafula Chebukati, amewataka maafisa wa Tume hiyo waliotajwa kuvuruga uchaguzi mkuu uliobatilishwa kuachia nafasi zao. Amewatuhumu pia wanasiasa kwa kuizingira Tume hiyo.
Mwenyekiti wa Tume ya Uchaguzi Kenya, Wafula Chebukati (picture-alliance/AP Photo/S. A. Azim)
Siku nane kabla ya kufanyika uchaguzi mpya wa urais hali ya wasiwasi imetanda juu ya iwapo uchaguzi huo utafanyika kwenye mazingira bora na ya kuaminika kama ilivyoamualiwa na mahakama ya Juu. Mwenyekiti wa Tume hiyo Wafula Chebukati ameelezea wasiwasi wake kuhusu mshikamano wa maafisa kwenye Tume hiyo suala ambalo limeigawa tume hiyo na kuliweka taifa katika njiapanda. Chebukati ameeleza kuwa mapendekezo yake yote ya kuhakikisha kuwa uchaguzi unaendeshwa kwa njia huru na ya haki yamekuwa yakipigwa teke na makamishna wenzake.
Upande wa upinzani umekuwa ukishinikiza kuondolewa kwa Afisa mkuu mtendaji wa Tume hiyo Ezra Chiloba na maafisa wengine sita waondoke afisini, hatua ambayo haijatekelezwa. "Katika hali kama hiyo ni vigumu kutoa hakikisho kwa uchaguzi huru, wa haki na wa kuaminika, Bila ya mageuzi muhimu katika sektariati ya tume uchaguzi huru na wa haki utavurugwa hivyo nawaomba maafisa waliotajwa kavuruga uchaguzi uliopita kungatuka na kuruhusu kikundi nilichobuni kufanya kazi," amesema Chebukati.
Kwenye mkutano na wanahabari Chebukati amesema kuna nafasi ya kunusuru utendaji kazi wa tume hiyo iwapo makamisha wote wataweka tofauti zao kando na kuweka maslahi ya taifa mbele. Huku wengi wakitarajia kuwa angejiuzulu, Chebukati alishikilia kuwa hatajiuzulu. Hata hivyo alikuwa mwepesi wa kusema kuwa hatakuwa sehemu ya kikundi kitakachovuruga uchaguzi ujao kwa manaufaa ya muda mfupi. Amewaonya wanasiasa ambao wanawatisha maafisa wake. "Nawapa wanasiasa wote kadi ya njano, sitaruhusu vitisho kwa maafisa wangu, sitaruhusu kuingiliwa kwa tume yangu tena. Wakenya wanalipa pesa kubwa kugharamia uchaguzi huu. Na kama mwenye wajibu sintoacha pesa za wakenya na washirika wetu zipotee," ameahidi mwenyekiti huyo.
Kenyatta ataka watu waiombee nchi
Kiongozi wa upinzani Raila Odinga amesusia uchaguzi (Reuters/J. Okanga) Kiongozi wa upinzani Raila Odinga amesusia uchaguzi
Akigusia suala la kamishna Roslyn Akombe aliyejiuzulu mapema leo, Chebukati amemtaja Akombe kuwa mmoja wa watumishi wakakamavu waliojitolea kuhudumu kwenye Tume hiyo. Amelaumu tume kwa kushindwa kutoa mazingira yanayostahili kwa kamishna huyo, sababu iliyomfanya ajiuzulu. Wakati huo huo rais Uhuru Kenyatta na naibu wake William Ruto wameendelea na kampeni zao, huku wakiwataka wafuasi wao kujitokeza kwa wingi kurejesha chama cha Jubilee mamlakani kwa kipindi kingine cha miaka mitano. Wawili hao wamesema kuwa hawataruhusu kiongozi wa upinzani Raila Odinga kusitisha mchakato wa uchaguzi mpya wa urais. "Wewe Bwana Odinga kwasababu tumekubali haki ya kukaa nyumbani, kwanini unafikiria kuwa wewe uko na haki ya kukataza wakenya wale ambao wanataka kupiga kura wapige kura, hiyo hatuwezi kukubali," amesema Kenyatta.
Naye Makamu wa Rais William Ruto akaongezea, "Sasa huyu mtu wa vitendawili anasema kuwa atasimamisha uchaguzi, kama Uhuru Kenyatta ambaye ni amiri jeshi mkuu wa majeshi yote ya Kenya, hawezi kusimamisha uchaguzi, sasa mtu wa vitendawili na uganga ataweza, aache mzchezo."
Ili kujikwamua katika mzozo wa sasa, taifa litahitaji vitendo na nia nzuri zaidi ya matamshi kutoka kwa wanasiasa ambao wanavutia upande wao kwani kwa sasa taifa limegawanyika. Mapema Rais Kenyatta aliwataka wakenya wa dini zote kutenga siku ya Jumapili kuombea taifa huku wachambuzi wa masuala ya siasa wakimtaka kuketi meza moja na Odinga kwa mazungumzo.

ISRAEL YAPATWA NA PRESHA BAADA YA VISIMA VYOA MAFUTA VYA KIRKUK KUDHIBITIWA NA RERIKALI YA BAGHDAD

Israel yapatwa na presha baada ya visima vya mafuta vya Kirkuk kudhibitiwa na serikali ya Baghdad
Kiongozi wa eneo la Kurdistan Iraq anayechochewa na Israel kujitenga
Utawala haramu wa Kizayuni wa Israel umekumbwa na wasi wasi na wahka mkubwa kutokana na Wakurdi kuondolewa katika visima vya mafuta vya eneo la Kirkuk na kisha kudhibitiwa na jeshi la serikali kuu ya Iraq.
Visima vya mafuta vya eneo hilo, ndivyo vilivyokuwa vyanzo vikuu vya kudhamini mafuta ya utawala haramu wa Israel kutokea Kurdistan. Habari zaidi zinaeleza kuwa, kusonga mbele jeshi la Iraq katika mji wa Kirkuk na kudhibitiwa visima hivyo, kumeutia khofu kubwa utawala wa Kizayuni kwa kuwa hatua hiyo inahatarisha upatikanaji wa nishati ya mafuta kwa Tel Aviv.
Kanali ya Pili ya televisheni ya Israel sambamba na kuthibitisha habari hiyo imetangaza kuwa, visima vya mafuta vilivyodhibitiwa na jeshi la Iraq katika eneo la Kirkuk vilikuwa chanzo kikuu cha kudhaminiwa mafuta ya Israel. Ehud Yarri, mchambuzi mashuhuri wa Israel ameiambia kanali hiyo ya Kizayuni kwamba, mji wa Kirkuk wa Iraq, ni moja ya miji tajiri ya mafuta na muhimu sana kwa Iraq na kwamba jeshi la serikali ya Baghdad limeweza kuudhibiti mji huo bila ya vita. Mafuta ya eneo la Kurdistan nchini Iraq yalikuwa yanasafirishwa kwenda Israel kupitia mipaka ya Uturuki.
Jeshi la Iraq lilipodhibiti mambo huko la Kirkuk
Kwa mujibu wa duru za kuaminika, nusu nzima ya mafuta yaliyokuwa yakichimbwa katika visima vya mafuta vya eneo la Kirkuk mwaka 2017 ilitumwa kwenda Israel na ilikuwa ni mapipa laki tatu kwa siku. Ni kwa ajili hiyo ndio maana utawala wa Kizayuni wa Israel ulikuwa ukilichochea eneo la Kurdistan kujitenga na serikali kuu ya Baghdad.

POLISI TANZANIA WAUA WATUHUMIWA WATANO WA UJAMBAZI NA KUKAMATA MAGURUNETI SABA

Polisi Tanzania waua watuhumiwa watano wa ujambazi na kukamata maguruneti saba
Polisi jijini Dar es Salaam Tanzania imetangaza habari ya kukamatafa maguruneti saba na kusema inaamini kwamba yangelitumiwa na watu wahalifu nchini humo.
Kwa mujibu wa Kamanda wa Polisi kanda ya Dar es Salaam, Lazaro Mambosasa, jeshi hilo la polisi pia limefanikiwa kuua watuhumiwa watano wa uhalifu katika matukio mawili tofauti na kwamba katika operesheni hizo mbali na kukamata maguruneti hayo, limefanikiwa kukamata bunduki aina ya SMG iliyofutwa namba, magazini yenye risasi 16, maganda 10 ya risasi za SMG pamoja na pikipiki ambazo polisi wanasema zilikuwa zinatumiwa na wahalifu hao kufanyia uhalifu.
Jeshi hilo limebainisha kwamba, silaha hizo zimekamatwa na askari waliokuwa doria majira ya usiku eneo la Msongola wilayani Ilala jijini Dar es Salaam, ambapo awali polisi hao walikuwa wakiwafuatilia washukiwa hao wa uhalifu waliokuwa wamepanda pikipiki moja wakiwa watatu.
Aidha Kamanda wa Polisi, Lazaro Mambosasa amesema kuwa, baada ya watuhumiwa hao watatu kubaini kuwa walikuwa wakifuatiliwa na polisi waliamua kuongeza mwendo na kuingia barabara ya vumbi ambako walifyatua risasi.
Kamanda Mambosasa amesema, askari waliwazidi nguvu watuhumiwa hao na kuwapiga risasi na kuanguka chini pamoja na pikipiki hiyo. Katika tukio jingine, polisi wa Tanzania wameua watu wawili baada ya kuwatuhumu kufanya ujambazi eneo la Mbagala Zakheim ambako walipokea taarifa kutoka kwa wananchi kuwa watu hao walipanga kuvamia maduka ya Tigo-Pesa na M-Pesa katika eneo hilo.

UGANDA YAPIGA MARUFUKU MAANDAMANO YA KUPINGA KUONDOLEWA KIPENGELE CHA UMURI KATIKA KATIKA KUGOMBEA URAIS

Kiongozi wa upinzani, Daktari Kiiza Besigye akipandishwa kwenye gari la polisi baada ya kusambaratishwa maandamano Kiongozi wa upinzani, Daktari Kiiza Besigye akipandishwa kwenye gari la polisi baada ya kusambaratishwa maandamano
Jeshi la polisi nchini Uganda leo (Jumatano) limepiga marufuku kile lilichokiita ni maandamano haramu ya kupinga mpango wa kuondoa kipengee ya umri katika kugombea urais. Juhudi za kuondoa kipengee hicho zina nia ya kumfungulia njia Rais Yoweri Museveni kuendelea kubakia madarakani bila ya kufungwa na kipengee hicho.
Muswada wa kuondoa kipengee cha umri wa kugombea urais kiliwasilishwa katika bunge la Uganda mwezi uliopoita na hivi sasa wabunge wanajadiliana na wananchi wa kawaida kutaka kujua maoni yao. Hata hivyo juhudi hizo zimekumbwa na upinzani kutoka sehemu mbalimbali.
Rais Yoweri Museveni wa Uganda

Msaidizi wa Inspekta Mkuu wa Polisi wa Uganda, Assuman Mugenyi amesema kuwa, majadiliano hayo yanaruhusiwa lakini si ruhusa kufanya maandamano yasiyo na kibali, kuchochea machafuko, kufanya kampeni za chuki, kutumia maneno ya kashfa na vitu kama hivyo.
Kwa kawaida wapinzani hawapewi vibali vya kuandamana nchini Uganda na hii ina maana kwamba maandamano yoyote ya wapinzani ni kinyume cha sheria.
Musenyi ametoa amri kwa maafisa wa polisi kuhakikisha kuwa wabunge wanafanya mashauriano hayo kwa utulivu na amani tena katika majimbo yao tu.
Jana usiku, polisi walifyatua mabomu ya kutoa machozi na kutumia risasi za plastiki kutawanya mamia ya wapinzani wa kufutwa kipengee cha umri kinachomzuia Museveni kugombea tena urais.
Winnie Kiiza, Mkuu wa Mrengo wa Upinzani katika bunge la Uganda

Rais Yoweri Kaguta Museveni amekuwa akiitawala Uganda kwa miaka 30 sasa. Umri wake hivi sasa ni miaka 73 wakati katiba ya Uganda imepiga marufuku mtu kugombea urais akiwa na umri wa miaka 75.
Mkuu wa mrengo wa upinzani katika bunge la Uganda, Winne Kiiza amesema kuwa, amri hiyo ya polisi ni kinyume cha katiba na ameahidi kukabiliana na amri hiyo kwa njia yoyote ile.
Hadi hivi sasa haijajulikana muswada huo utarejeshwa lini Bungeni kwa ajili ya kupigiwa kura.

MMOJA WA VIONGOZI WA TUME YA UCHAGUZI YA IEBC NCHINI KENYA AJIUZULU

Mmoja wa viongozi wa Tume ya Uchaguzi ya IEBC nchini Kenya ajiuzulu
Mmoja kati ya viongozi wanane wa Tume Huru ya Uchaguzi na Mipaka ya Kenya (IEBC) nchini Kenya ametangaza kujiuzulu wadhifa wake huo mapema leo Jumatano.
Akitangaza hatua yake hiyo Roselyn Akombe amesema kuwa amechukua uamuzi huo kutokana kwamba hana imani iwapo IEBC inaweza kusimamia uchaguzi wa tarehe 26 ya mwezi huu au la. Amesema kuwa hataki kushuhudia fedheha ya kile kitakachofanyika baada ya uchaguzi. Kadhalika Roselyn Akombe amesema kuwa, kwa kuzingatia kwamba maisha ya Wakenya yako hatarini, ameamua kujiuzulu wadhifa wake kama mmoja wa viongozi wa IEBC. 
Hali ya kisiasa nchini Kenya kabla ya kufanyika kwa uchaguzi wa marudio wa tarehe 26 Oktoba
Akombe amebainisha kwamba Tume Huru ya Uchaguzi na Mipaka ya Kenya (IEBC) ni moja ya vyanzo vya mgogogro wa hivi sasa nchini humo na kwamba tume hiyo imedhibitiwa na pande ambazo hata hivyo hakuzitaja. Baada ya mahakama ya kilele kubatilisha matokeo ya uchaguzi wa duru ya kwanza uliofanyika tarehe nane Agosti mwaka huu, kiongozi wa upinzani anayewakilisha muungano wa NASA alitaka kuondolewa viongozi wote wa IEBC akisema kuwa hana imani nao tena.

Friday, October 13, 2017

URUSI YAIONYA MAREKANI DHIDI YA KUBATILISHA MAKUBALIANO YA MRADI WA KINUKLEA WA IRANI

Urusi imeionya Marekani dhidi ya kujitoa katika makubaliano ya kimataifa ya mradi wa nuklea wa Iran. Katika wakati ambapo walimwengu wanasubiri kusikia kitakachosemwa na rais Donald Trump baadae hii leo , viongozi wa Urusi wanatahadharisha na kusema madhara yatakuwa makubwa kupita kiasi pindi rais Trump akijitoa katika makubaliano hayo. Msemaji wa ikulu ya Urusi ameutaja uwezekano wa Iran kujitoa pia katika makubaliano hayo, hali ambayo anasema itaathiri usalama na utulivu kote ulimwenguni. Naye waziri wa mambo ya nchi za nje Sergei Lavrow amemhakikishia waziri mwenzake wa Iran, Urusi itaendelea kuheshimu makubaliano yaliyofikiwa. Waziri wa mambo ya nchi za nje wa Ujerumani Sigmar Gabriel pia ameonya dhidi ya hatari ya uamuzi wa upande mmoja wa kubatilisha makubaliano kuhusu mradi wa nyuklea wa Iran. Rais wa Marekani Donald Trump anatarajiwa kuzungumzia kuhusu mkakati wake kuelekea Iran baadae leo usiku. Akipinga kwa mara nyengine tena kuuidhinisha, bunge la Marekani Congress litabidi lizingatie uwezekano wa kutangaza upya vikwazo dhidi ya Iran.

MAREKANI YATAKIWA KUHESHIMU MAKUBALIANO YA NYUKILIA

Waziri wa mambo ya nchi za  nje wa Ujerumani Sigmar Gabriel ameonya kuwa iwapo rais Donald Trump hataheshimu makubaliano ya nyukilia kati ya Iran na mataiafa sita yenye nguvu basi hatua hiyo itakuwa na athari kimataifa.
Washington, US-Präsident Donald Trump (Reuters/Y.Gripas)
Sigmar Gabriel ameonya kuwa iwapo Marekani itajiondoa au kuchukua hatua yoyote kinyume cha makubaliano hayo  basi  hatua hiyo  italeta athari kati ya Marekani na nchi za ulaya na kutoa mwito kwa mataifa ya ulaya  kuwa na msimamo wa pamoja katika suala hilo pamoja na kuchukua hatua muhimu  na za haraka.
Rais Trump anatarajia kutangaza hii leo mikakati mipya  kufuatilia uwezo wa Iran kuhusiana na nguvu za nyukilia ambapo anatarajiwa pia kutangaza kuwa Marekani haina masilahi na  makubaliano hayo ya kihistoria yaliyofikiwa mwaka 2015.
Hata hivyo maafisa wa Marekani wanasema Trump hatatangaza rasmi kutoyatambua makubaliano hayo bali ataelezea  jinsi asivyokubaliana na jinsi Iran inavyoyatekekeleza  na kuliachia bunge kuamua.
Makubaliano hayo yalisainiwa mwaka 2015 kati ya Iran na nchi sita zenye nguvu duniani ambazo ni pamoja na Marekani, Uingereza, Ufaransa, Ujerumani na Urusi.
Waziri  wa mambo ya nje wa Ujerumani  Sigmar Gabriel amewaeleza wachapishaji magazeti wa kampuni ya RND kuwa wanapaswa kuwaeleza  wamarekani kuwa mwenendo wao kuhusiana na suala hilo utasababisha mataifa ya ulaya kuwa na msimamo wa pamoja na Urusi na China dhidi ya Marekani.
Trump mara kadhaa amekuwa akitahadharishwa na viongozi wa kidunia na  pia ndani ya uatawala wake juu ya umuhimu wa kuheshimu makubaliano hayo ya nyukilia.
Iran iliondolewa vikwazo vya kiuchumi
Makubaliano hayo  yalishuhudia Iran ikiondolewa  vikwazo vya kiuchumi vilivyokuwa vimewekwa dhidi yake ambapo Iran nayo kwa mujibu wa makubaliano hayo ilipaswa kuacha kuendeleza mipango yake ya kuwa na silaha za nyukilia.
Iran Hassan Rouhani (picture alliance/AP Photo/Iranian Presidency Office) Rais wa Iran Hassan Rouhani
Hata hivyo shirika la Umoja wa Mataifa linalohusika na masuala ya nyukilia mara kadhaa limekuwa likisisitiza kuwa Iran imekuwa ikitekeleza makubaliano hayo licha ya rais Trump kudai kuwa Iran inakiuka makubaliano ya nyukilia kutokana na kumuunga moono rais wa Syria Bashar al-Assad pamoja na kufanya jaribio la kurusha kombora la masafa.
Marekani inaitaka Iran kuhakikisha kuwa inaacha kuchochea migogoro nchini Syria, Iraq au Yemen lakini Gabriel anasema hilo halipaswi kuwa sharti la kuibana Iran isijihusishe na mpango wa kuwa na silaha za nyukilia.
Rais wa  Iran Hassan Rouhani amemshutumu Trump kuwa anapingana na dunia kutokana na kujaribu kujitenaga na makubaliano hayo ya kihistoria.  Rouhani ameongeza kuwa  sasa itafahamika wazi kuwa  ni nchi gani inafuata sheria na nchi gani inaheshimika kimataifa.
Hadi Jumapili Trump alikuwa hajaliarifu bunge la nchi hiyo  iwapo anaamini kuwa Iran inatekeleza makubaliano ya nyukilia yaiyofikiwa kati yake na nchi sita zenye nguvu duniani.
Iwapo Trump atakataa kukubali kuwa Iran inatekeleza makubaliano hayo basi bunge litapaswa kuamua katika muda wa  siku 60 ni vikwazo gani vipya viwekwe dhidi ya Iran.

NJAMA ZA MAREKANI ZA KUKUBALIANA NA UWEZO WA ULINZI WA IRAN

Wanajeshi wa Marekani walipotiwa nguvuni na Jeshi la Sepah baada ya kuingia katika maji ya Iran kinyume cha sheriaWanajeshi wa Marekani walipotiwa nguvuni na Jeshi la Sepah baada ya kuingia katika maji ya Iran kinyume cha sheria
Kamati na Uhusiano wa Kimataifa ya Baraza la Congress la Marekani imepasisha azimio dhidi ya miradi ya makombora ya Jamhuri ya Kiislamu ya Iran ikiwa ni kuonesha chuki zake za wazi dhidi ya Tehran.
Azimio hilo ambalo limewasilishwa mbele ya baraza hilo na Ed Royce, mkuu wa kamati ya uhusiano wa kimataifa ya Congress ya Marekani limeliwekea vikwazo Jeshi la Walinzi wa Mapinduzi ya Kiislamu SEPAH kwa madai ya eti kuendesha miradi isiyo halali ya kuimarisha makombora ya balestiki. Azimio hilo lililopewa jina la "Sheria ya Makombora ya Balestiki ya Serikali ya Iran na Uwekaji Vikwazo Kimataifa" limeifungulia njia serikali ya Marekani kuiwekea vikwazo vipya Iran.
Nembo ya Jeshi la Walinzi wa Mapinduzi ya Kiislamu SEPAH

Hatua hiyo ya kamati ya uhusiano wa kimataifa ya Congress ya Marekani imechukuliwa siku moja kabla ya serikali ya rais wa Marekani, Donald Trump kutangaza msimamo wake kuhusiana na namna ya kukabiliana na Iran pamoja na makubaliano ya nyuklia yanayojulikana kwa jina maarufu la JCPOA. Baadhi ya wajumbe wa Baraza la Congress la Marekani wanajaribu kuwa na msimamo mkali sawa na wa Donald Trump dhidi ya Iran na wanafanya njama za kila namna za kuhakikisha misimamo iliyo dhidi ya Iran inapata nguvu nchini Marekani. Sasa baada ya kuona kuwa dunia nzima imekiri kwamba Iran haina nia kabisa ya kumiliki silaha za nyuklia na imetekeleza kikamilifu makubaliano ya JCPOA, maadui wa Jamhuri ya Kiislamu ya Iran nchini Marekani wameamua kuulenga kikamilifu muundo wa ulinzi wa Iran. Katika starijia za kiulinzi za Jamhuri ya Kiislamu ya Iran, miradi ya makombora na kuimarisha miradi hiyo kunafanyika kwa lengo la kiulinzi tu kwa ajili ya kuiweka salama Iran katika eneo hili lenye migogoro mingi la magharibi mwa Asia.
Amma nukta ya kuzingatia hapa ni kwamba, katika makubaliano ya nyuklia baina ya Iran na kundi la 5+1 (JCPOA), hakuna hata mahala pamoja palipogusiwa miradi ya makombora ya Iran. Hata azimio nambari 2231 la Baraza la Usalama la Umoja wa Mataifa ambalo limeunga mkono na kutia nguvu makubaliano ya JCPOA limeiomba tu Iran isitengeneze makombora yanayokusudia kubeba vichwa vya nyuklia. Jamhuri ya Kiislamu ya Iran inasisitiza kuwa utekelezaji wa azimio hilo la Umoja wa Mataifa ni wajibu wa kisheria. Ndio maana katika uimarishaji wa makombora yake, Iran inazingatia ustadi wa kulenga shabaha makombora yake na si kubeba vichwa vya nyuklia. Kwa maneno mengine ni kuwa, lengo la Iran si kuyafanya makombora yake yabebe vichwa vya nyuklia hivyo Tehran haijishughulishi na upande huo, bali inazingatia uwezo mkubwa wa makombora hayo ya kulenga shabaha kwa ustadi wa hali ya juu.
Wanajeshi wa Jeshi la Walinzi wa Mapinduzi ya Kiislamu SEPAH ambao wamekuwa ni mwiba kwa Marekani na utawala wa Kizayuni baada ya kusambaratisha njama zao dhidi ya Iran na eneo la Mashariki ya Kati

Katika upande mwingine, Iran iko katika eneo ambalo baaadhi ya nchi zinatumia mamia ya mabilioni ya dola kujilimbikizia silaha na zinaweka mikataba mikubwa mikubwa ya silaha na Marekani na nchi za Ulaya, hivyo ni jambo la kawaida kabisa kwa Iran nayo kuwekeza katika uwezo wake wa makombora. Si hayo tu, lakini kwa makumi ya miaka sasa Iran imewekewa vikwazo vya silaha huku nchi za Magharibi zikizishehenesha baadhi ya nchi za eneo hili marundo ya silaha za kila namna. Sasa ni kichekesho kikubwa kuona nchi kama Marekani inaisakama Iran kwa kujiimarisha kiulinzi wakati yenyewe Marekani kila leo inawekeana na baadhi ya nchi za eneo hili la magharibi mwa Asia, mikataba ya silaha ya mabilioni ya dola. Bila ya shaka yoyote ni haki ya Iran ya kujiimarisha kiulinzi na kuhakikisha kwamba adui hafikirii kabisa kuivamia kijeshi.
Hii ni kusisitiza kuwa hatua ya Jeshi la Walinzi wa Mapinduzi ya Kiislamu SEPAH ya kushambulia ngome za magaidi wa Daesh nchini Syria kwa kutumia makombora yake ya masafa ya kati tena kutokea nchini Iran imewathibitishia walimwengu kuwa, Jamhuri ya Kiislamu ya Iran haina mchezo katika suala zima la kulinda usalama wake. Tumalizie kwa kusema kuwa, vikwazo vya aina yoyote ile dhidi ya miradi ya makombora ya Iran ni kinyume cha sheria, si mantiki, lakini muhimu zaidi kuliko yote ni kwamba haviwezi kamwe kuizuia Iran kujiimarisha kiulinzi na kujidhaminia usalama wake.     

IRAN ITATOA JIBU LINALOFAA KWA UADUI WA MAREKANI

Iran itatoa jibu linalofaa kwa uadui wa Marekani
Khatibu wa muda wa Sala ya Ijumaa ya Tehran ameashiria kufanyika kura ya maoni ya kujitenga eneo la Kurdistan la Iraq na kusema kuwa, adui amegonga mwamba katika njama yake ya kuunda kile kinachodaiwa kuwa ni 'Mashariki ya Kati Mpya.'
Ayatullah Mohammad Ali Movahedi Kermani, amesema hayo katika khutba zake za Sala ya Ijumaa hii leo hapa mjini Tehran na amemshauri Masoud Barzani, rais wa eneo lenye mamlaka ya ndani ya Kurdistan nchini Iraq afungamane na serikali kuu ya Baghadad na awaombe radhi watu wa Iraq na pia asiandae uwanja wa utawala wa Kizayuni wa Israel kuwa na ushawishi katika eneo hili.
Ayatullah Kermani amamuenzi marehemu Jalal Talibani aliyekuwa rais wa Iraq ambaye aliaga duniani tarehe tatu mwezi huu wa Oktoba na kusema: "Talibani daima alikuwa anatafakari kuhusu uhuru, heshima na adhama ya Wairaqi wa kaumu zote."
Sala ya Ijumaa Tehran
Khatibu wa Sala ya Ijumaa ya Tehran pia ameashiria uadui wa Marekani dhidi ya Iran na kuongeza kuwa: "Hotuba ya Rais Donald Trump wa Marekani dhidi ya Iran imedhihirisha tena uadui wa Marekani dhidi ya mfumo wa Jamhuri ya Kiislamu."
Ayatullah Kermani ameendelea kusema kuwa, wananchi wa Iran kamwe hawatasahau usaliti wa Marekani na kwamba wakuu wa Jamhuri ya Kiislamu ya Iran watatoa jibu linalofaa kwa uadui wa dola hilo la kibeberu.
Kabla ya khutba za Sala ya Ijumaa, Katibu Mkuu wa Jumuiya ya Kimataifa ya Kukurusbiha Madhehebu za Kiislamu, Ayatullah Mohsen Araqi alizungumza na waumini na kusema, Ahul Bayt wa Mtume SAW ni msingi wa umoja na mshikamano wa umma mzima wa Kiislamu.

Sunday, October 8, 2017

UAE INANUNUA KWA SIRI SILAHA ZA UTAWALA WA KIZAYUNI WA ISRAEL

UAE inanunua kwa siri silaha za utawala wa Kizayuni wa Israel
Umoja wa Falme za Kiarabu, UAE au Imarati, inanunua kwa siri silaha za utawala wa Kizayuni wa Israel.
Gazeti la Kizayuni la Maariv limeandika katika toleo lake la Jumamosi kuwa, kwa muda mrefu utawala wa Israel umekuwa ukiiuzia kwa siri Imarati silaha mbali na kushirikiana kiuslama na kijeshi na nchi hiyo ya Kiarabu.
Kwa mujibu wa ripoti hiyo, Metai Kokhafi, moja kati ya  wafanyabiashara mashuhuri wa Israel amekuwa akiongoza mkakati huo wa kuiuzia Imarati silaha. Kokhafi aliwahi kukodi ndege na kuwabeba majenarali Waisraeli hadi Abu Dhabi kutia saini mikataba ya silaha na UAE.
Gazeti hilo limeongeza kuwa, Israel pia ina uhusiano mzuri wa kijeshi na kiusalama na Misri na imepangwa kuwa pande mbili zifanye mazoezi ya pamoja ya kijeshi pamoja na Ugiriki na Cyprus katika siku za usoni.
Katika miezi ya hivi karibuni baadhi ya watawala wa nchi za Kiarabu wamekuwa wakizungumza kuhusu kuwepo na uhusiano wa kawaida na utawala wa Kizayuni wa Israel.  Hivi karibuni mfalme wa Bahrain alisema wakati umefika wa kuanzishwa uhusiano kamili wa kidiplomasia baina ya nchi za Kiarabu na Israel.
Saudi Arabia na UAE zimekuwa zikiongoza jitihada za wazi na za nyuma ya pazia za kuanzisha uhusiano na utawala wa Israel.
Nchi Hizo za Kiarabu zinapuuza ukweli kuwa, utawala haramu wa Israel unakalia kwa mabavu ardhi za Palestina hasa Msikiti wa Al Aqsa ambao ni kibla cha kwanza cha Waislamu mbali na kuendeleza jinai zisizo na kikomo dhidi ya Wapalestina wanaopigania ukombozi wa ardhi zao.

KUKATAA TENA MAREKANI KUTIA SAINI MKATABA WA KUPIGA MARUFUKU SILAHA ZA NYUKLIA

Kukataa tena Marekani kutia saini mkataba wa kupiga marufuku silaha za nyuklia
Kwa mara nyingine tena, Marekani imekataa kutia saini makubaliano ya kupiga marufuku silaha za nyuklia ikisisitiza kuwa Washington haina mpango kabisa wa kujiunga na makubaliano hayo yanayoungwa mkono wa washindi wa tunzo ya Nobel.
Muda mchache tu baada ya kutangazwa washindi wa tunzo ya amani ya Nobel mwaka 2017, msemaji wa Ikulu ya Marekani (White House) alisema, hakuna mabadiliko yoyote katika msimamo wa Marekani wa kukataa kujiunga na makubaliano ya kupiga marufuku silaha za nyuklia. Alisema, Marekani inaamini kuwa makubaliano hayo hayawezi kuleta amani duniani na si tu hayawezi kupelekea kuangamizwa silaha za atomiki, lakini pia hayana uwezo wa kutia nguvu usalama wa nchi za dunia.
ICAN kampeni ya kimataifa ya kuangamiza silaha za nyuklia

Itakumbukwa kuwa, tunzo ya amani ya Nobel mwaka 2017 iliyotolewa siku ya Ijumaa, imekwenda kwa Kampeni ya Kimataifa ya Kuangamiza Silaha za Nyuklia (ICAN). Kampuni hiyo imetoa mchango mkubwa katika kutiwa saini makubaliano hayo na nchi 122 mwezi Julai mwaka huu. Hata hivyo makubaliano hayo ni ya kimaonyesho zaidi kulikoni kuwa ya uhakika. Sababu yake ni kwamba nchi nane zenye silaha za nyuklia yaani Marekani, Russia, Uingereza, Ufaransa, China, India, Pakistan na Korea Kaskazini pamoja na utawala wa Kizayuni wa Israel, zimekataa kutia saini makubaliano hayo.
Taarifa zinasema kuwa Marekani inamiliki vichwa elfu nne vya nyuklia hivi sasa. Wamarekani wanadai kuwa, lengo lao la kujilimbikizia silaha za nyuklia za mauaji ya umati, ni kujilinda mbele ya nchi nyingine zenye silaha hizo za maangamizi ya halaiki. Hata hivyo madai hayo hayana ukweli kwani Marekani ndiyo nchi pekee duniani ambayo imewahi kutumia silaha za nyuklia katika historia nzima ya mwanadamu. Katika Vita vya Pili vya Dunia, Marekani ilishambulia kwa nyuklia miji ya Hiroshima na Nagasaki nchni Japan kwa madai ya kuwalazimisha viongozi wa nchi hiyo wasalimu amri. Ukatili huo wa Marekani umewafanya kuwa wahanga maelfu kwa maelfu ya viumbe wakiwemo wanadamu. Ripoti zinaonesha kuwa hivi sasa Marekani inamiliki bomu lijulikanalo kwa jina la B61 na sasa hivi inalifanyia marekebisho bomu hilo kwa gharama zilizosawa na dola bilioni kumi. Bi Dianne Feinstein, seneta wa Marekani kutoka chama cha Democrats anaamini kuwa, silaha za kiistratijia zilizoko katika maghala ya silaha nchini Marekani ni nyingi mno ikilinganishwa na mahitaji ya nchi hiyo na waitifaki wake. 

Wachambuzi wa mambo wanasema kuwa, Marekani haiwezi kabisa kujiunga na mikataba na makubaliano ya kuangamiza silaha za nyuklia duniani, bali kitu pekee kinachotegemewa kutoka kwa dola hilo la kibeberu ni kushadidisha majaribio yake ya nyuklia, jambo ambalo linazichochea nchi nyingine duniani kujilimbikizia silaha za kisasa zaidi za nyuklia na za maangamizi ya umati. Fauka ya hayo, rais wa Marekani, Donald Trump alisema waziwazi wakati wa kampeni za uchaguzi kwamba hatosita kufanya mashambulizi ya nyuklia akilazimika kufanya hivyo.
Hivi sasa jeshi la Marekani imejikita zaidi katika kutengeneza mabomu madogo madogo yenye athari hafifu kidogo ya nyuklia na kuyafanyia majaribio katika nchi mbalimbali za dunia kama za Mashariki ya Kati. Pamoja na kukhafifishwa huko, lakini mabomu hayo bado yanafanya uharibifu mkubwa. Sasa hivi si tu juhudi za kuangamiza silaha za nyuklia hazijafanikiwa, lakini baya zaidi ni kwamba madola ya kibeberu kama vile Marekani yanazidi kujilimbikizia silaha hizo angamizi na kuzifanya kuwa za hatari zaidi. Nukta ya kuzingatiwa hapa ni kwamba iwapo silaha hizo zitaingia mikononi mwa watu wasioaminika au magenge ya kigaidi, hakuna mtu yeyote anayeweza kutabiri ukubwa wa hatari na madhara yanayoweza kusababishwa na jambo hilo duniani. 

UN YAYAHADHARISHA HALI YA WAKIMBIZI ELFU 8 WA MYANMAR WALIOPO BANGLADESH

UN yatahadharisha kuhusu hali ya wakimbizi elfu 8 wa Myanmar waliopo Bangladesh
Umoja wa Mataifa umetahadharisha kuwa kutoandaliwa kambi kwa ajili ya kuwahifadhi wakimbizi Waislamu wa Rohingya wapatao elfu nane huko Bangladesh ni jambo hatari sana.
Umoja wa Mataifa umeitahadharisha serikali ya Bangladesh kwa kushindwa kuanzisha nchini humo kambi kwa ajili ya wakimbizi Waislamu wa Rohingya na kuitaka ijenge kambi nyingine ndogo katika maeneo mengine. Serikali ya Bangladesh ilikuwa na mpango wa kujenga kambi ya wakimbizi karibu na mpaka wa Kato Palung kati ya nchi hiyo na Myanmar kufuatia mashinikizo ya jamii ya kimataifa. 
Wakimbizi Waislamu wa Rohingya waliokimbilia Bangladesh  
Kwa mujibu wa ripoti hiyo, kambi za wakimbizi huko Bangladesh hazikuwa katika hali nzuri hata kabla ya kuanza ukandamizaji wa jeshi la Myanmar na Mabudha wa nchi hiyo dhidi ya Waislamu wa Rohingya na kuwafanya wakimbilie katika nchi jirani ya Bangladesh. Hivi sasa pia kambi hizo zina hali mbaya sana kufuatia kuongezeka idadi ya wakimbizi. 
Waislamu wa Rohingya zaidi ya laki tano wamelazimika kukimbilia Bangladesh kutokana na machafuko na ukandamizaji wa jeshi la Mabudha wenye misimamo mikali dhidi ya jamii hiyo ya waliowachache katika mkoa wa Rakhine magharibi mwa nchi hiyo. 

MERKEL ASEMA ATAFANYA MAZUNGUMZO YA KUUNDA SERIKALI YA MSETO

Kansela wa Ujerumani Angela Merkel amesema chama chake cha Christian Democratic Union (CDU) kitafanya mazungumzo na wajumbe wa vyama vya Waliberali (FDP) na chama cha Kijani cha walinzi wa mazingira juu ya kuunda serikali ya Mseto. Bibi Merkel amesema, leo chama chake cha CDU kitafanya kwanza mazungumzo na chama ndugu cha Christian Social Union (CSU) na baada ya hapo ndipo watazungumza kuona jinsi ya kuunda serikali imara ya vyama vya CDU/CSU, Chama cha FDP na chama cha Kijani. Hata hivyo kansela Merkel amesema ni wazi kwamba jukumu hilo ni gumu sana.

MAELFU WAANDAMANAKUSHINIKIZA MUAFAKA CATALONIA

Malefu ya watu wameandamana Jumamosi katika miji mbalimbali ya Uhispania wakishinikiza kufanyika majadiliano kumaliza mgogoro wa jimbo la kaskazini-mashariki la Catalonia, linalotaka kujitenga.
Spanien Barcelona Demonstration in Weiß für Dialog (Getty Images/C. McGrath)
Wakiwa wamebeba mabango yenye ujumbe usemao "Hablamos?" na "Parlem?" - maneno ya Kikatalan na Kihispania yanayomaanisha "Tunaweza kuzungumza?" - waandamanaji hao walikusanyika majira ya saa sita mchana nje ya kumbi za miji ya Madrid na Barcelona, na pia katika miji ya Zaragoza, Seville na Bilbao.
"Ahsanteni kwa kuujaza uwanja wa Cibeles mjini Madrid na kumbi kadhaa za miji kote Uhispania. Sasa tuwaache wanasiasa wafanye kazi yao, hicho ndicho tunachowalipia mishahara," waliandika waandaji wa maandamano hayo kwenye ukurasa wao wa Facebook.
Hashtag ya #parlemhablemos ndiyo mada iliyohanikiza kwenye mtandao wa Tweeter. Kabla ya maandamano ya Jumamosi, ambako watu waliombwa kuvaa nguo nyeupe kuepusha kaulimbiu au nyimbo za vyama, waandaaji walisambaza ilani iliosoma: "Tunajua inawezekana kuishi pamoja. Uhispania ni bora kuliko watawala wake na imeonyesha hili mara nyingi."
"Tulikuwa na wasiwasi kuhusu mwelekeo wa kisiasa katika siku hizi zilizopita. Zilikuwa zinaelekea kwenye mkwamo," mmoja wa waandaji wa maandamano hayo Pablo Fernandez aliliambia shirika la habari la Ujerumani dpa.
Spanien Barcelona Demonstration für Dialog (Reuters/E. Gaillard) Watu wakishiriki maandamano kuunga mkono majadiliano katika uwanja mjini Barcelona, Uhispania Oktoba 7, 2017.
Mjini Madrid, kulikufanyika pia mkutano wa kupinga kujitenga katika eneo la Plaza de Colon, ulioandaliwa na wakfu wa kizalendo wa ulinzi wa taifa la Uhispania wa DENAES. Mkutano huo ulihudhiriwa na watu karibu 50,000," kwa mujibu wa duru rasmi. Watu walikuwa wakiimba nyimbo za "Idumu Uhispania," "Adumu Mfalme" na "Catalonia pia ni Uhispania."
Maandamano kuendelea Jumapili
Maandamano mengine makubwa ya kupinga uhuru wa Catalonia yamepangwa kufanyika siku ya Jumapili mjini Barcelona yakiitwa "Inatosha! Turudi kutumia akili." Maandamano hayo yaamepangwa kufungwa kwa hotuba ya mwandishi habari alieshinda tuzo ya amani ya Nobel na mwandishi vitabu Mario Vargas Llosa.
Oktoba 1, Catalonia iliitisha kura ya maoni kuamua juu ya uhuru wake ambapo asilimia 90 ya walioshiriki waliunga mkono kujitenga na Uhispania, ingawa uitikiaji wa kura hiyo ulikuwa ni asilimia 43 ya watu wanaostahili kupiga kura.
Tangu wakati huo, Uhispania imetumbukia katika mgogoro mkubwa zaidi wa kisiasa kuwahi kuikumba katika kipindi cha miongo kadhaa, huku serikali ya jimbo la Catalonia ikionekana kutangaza uamuzi wa upande mmoja wa uhuru licha ya hatua hiyo kupigwa marufuku na Mahakama ya Katiba ya Uhispania na serikali kuu mjini Madrid.
Spanien Madrid Demonstration gegen Unabbhähigkeit Kataloniens (Getty Images/AFP/J. Soriano) Mjini Madrid, waandamanaji wakipeperusha bendera za Uhispania wakati wa maandamano yalioitishwa na Wakfu wa DENAES wa ulinzi wa taifa la Uhispania, katika uwanja wa Colon, 07.10.2017.
Merkel, Juncker wazungumzia mgogoro huo
Kansela wa Ujerumani Angela Merkel na rais wa Halmashauri kuu ya Umoja wa Ulaya Jean-Claude Juncker waliujadili mzozo huo katika mazungumzo kwa njia ya simu siku ya Ijumaa.
Mashaka yatokananyo na mzozo huo yameyalaazimu makampuni kadhaa ya kibiashara na mabenki kuhamisha shughuli zake nje ya Catalonia na kuzipeleka katika maeneo mengine ya Uhispania katika siku za karibuni.
Kikao cha bunge la jimbo la Catalonia kilichokuwa kimepangwa kufanyika siku ya Jumatatu, na ambacho kilitarajiwa kuhusisha tangazo la upande mmoja la uhusu, kimefutwa baada ya kupigwa marufu na mahakama ya juu ya nchi hiyo.
Serikali ya Uhispania na polisi yake wamekosolewa vikali kutokana na ukandamizaji wa vurugu wa polisi siku ya kura, ambayo ilikuwa tayari imetangazwa kuwa haramu na mahakama ya katiba, na ilikuwa imepingwa vikali na serikali kuu mjini Madrid.

KIMBUNGA NATE CHASHAMBULIA ENEO LA MISSISSIPPI

Kimbunga Nate kimewasili katika eneo linaloishi watu wachache la pwani katika  eneo ambalo mto Mississippi unaingia  baharini jana Jumamosi na  kushambulia  pwani ya ghuba kwa upepo na  mvua.
Hurrikan Nate erreicht die US-Golfküste (Reuters/J. Kiper) Kimbunga Nate kimewasili nchini Marekani
Wakati  kimbunga  hicho  kinachokwenda kwa kasi  kubwa  kikielekea katika  pwani  ya  Mississippi, ambako  kinatarajiwa kushambulia  eneo  hilo na  kutishia kusababisha  mvua  kubwa  na  mafuriko ambayo  yataharibu  nyumba  na  biashara.
Kimbunga  Nate kilitarajiwa  kupita  mashariki  mwa  New Orleans, kikiepuka  kuushambulia mji  huo  kwa  upepo  wake  mkali . Na  kasi  yake  kubwa  ilipunguza uwezekano wa mvua kunyesha  kwa  muda  mrefu  ambazo zingeharibu mfumo dhaifu  wa kusukuma  maji taka.
USA Hurrikane Nate (picture-alliance/AP Images/Northwest Florida Daily News/N. Tomecek) Mawimbi makubwa katika pwani ya Santa Rosa nchini Marekani
Pamoja  na  hayo, mji  huo  ambao  ni  maarufu  kwa pati za usiku  kucha uliwekwa katika amri ya kutotembea usiku, kuanzia  saa moja jioni na  mitaa haikuwa imejaa  watu kama ilivyo  kawaida  yake katika  usiku  wa  Jumamosi.
Miji katika  pwani  ya  Mississippi kama Gulfport  na  Biloxi ilikuwa katika  tahadhari  ya  juu. Baadhi  ya hoteli zilizoko  katika  eneo  la  ufukwe  na  kasino watu  waliondolewa. Kimbunga Nate kilidhoofika  kidogo na kilikuwa  katika  kiwango cha  kimbunga  namba  moja  kikiwa na  upepo unaokwenda  kwa  kasi  ya  kilometa 85 kwa  saa wakati  kiingia  katika  eneo  hilo ambalo linaishi  watu  wachache  la Plaquemines.
Watabiri  wa  hali  ya  hewa walisema inawezekana  kwamba  kimbunga  hicho  kikaimarisha  nguvu  zake  na  kuwa  katika kiwango  cha  kimbunga  namba  mbili , lakini inaonekana  uwezekano  huo  kuwa  mdogo wakati  usiku  ukiingia.
Hurrikan Nate erreicht die US-Golfküste (Reuters/J. Bracham) Matayarisho kabla ya kimbunga Nate kuwasili
Hali ya hatari yatangazwa
Kasi ya  kimbunga  hicho  ilitishia  jamii  inayoishi  mabondeni  kusini  mashariki  mwa Louisiana , mashariki  mwa kijiji  cha  wavuvi  cha Alabama cha Bayou la Batre.
"Iwapo kutakuwa  na  mafuriko  tena, haya ndio yatakuwa," amesema  Larry Bertron  wakati yeye  na  mke  wake  wakijitayarisha  kuondoka  nyumbani  kwao katika  jamii  ya  Braithwaite ya  eneo  la  parishi  ya  Plaquemines ambayo  huathirika  mara kwa mara  na  mafuriko.
Magavaan  mjini  Louisiana , Mississippi  na Alabama wametangaza  hali  ya  hatari. Majimbo  hayo  matatu  hayakupata  madhara  makubwa  katika  kipindi  hiki cha  vimbunga.
USA Menschen bereiten sich auf Hurrikan «Nate» vor (Getty Images/AFP/B. Tarnowski) Wakaazi wakishirikiana kujaza mchanga katika vigunia kuzuwia mafuriko kabla ya kimbunga Nate kuwasili
Maafisa  wamewaokoa watu watano  kutoka  katika  maboti  mawili  katika  wakati  wa mawimbi  makubwa  kabla  ya  kimbunga  hicho  kuwasili.  Boti  moja  ilipoteza  ingini  yake katika  ziwa Pontchartrain na  watu wawili  waliokuwamo  katika  boti  hiyo  waliokolewa.
Gavana  wa  Louisiana  John Bel Edwards amewahimiza  wakaazi  kufanya  matayarisho  ya mwisho  haraka  na  kusisitiza kwamba  kimbunga Nate kitaleta  uwezekano  wa  upepo mkali ambao  unaweza  kusababisha  mawimbi  makubwa  yanayofikia  futi 11  katika baadhi  ya  maeneo  ya  pwani.

Friday, October 6, 2017

TRUMP AOMBA DOLA BILIONI 29 KWA AJILI YA WAATHIRIKA KWA VIMBUNGA

media 
Rais wa Marekani ataka waatiriwa wa vimbunga wapewe msaada wa kutosha.REUTERS/Joshua Roberts
Utawala wa Trump umeomba bunge la Congress la Marekani kupitisha mpango wa msaada wa dola bilioni 29 kwa waathirika wa vimbunga huko Texas, Florida na Puerto Rico.
Mpango huo unajumuisha upya fedha dola bilioni 12.8 kwa waathirika wa vimbunga na dola bilioni 16 kwa mpango wa bima ya majanga ya asili.
Bahasha ya tatu ya dola milioni 576.5 (sawa na euro milioni 490.2) imetengwa kwa mikoa ya magharibi ya Marekani iliyokumbwa katika majira ya joto na visa vya moto mkubwa.
Wakati huo huo, mkurugenzi wa bajeti ya White House, Mick Mulvaney, siku ya Jumatano alihimiza mashirika ya shirikisho kuchunguza hadi Oktoba 25 mahitaji ya ziada kwa upande wa "ujenzi wa muda mrefu baada ya majanga ya asili ya hivi karibuni".
Kwa mujibu wa White House, fedha zilizoombwa siku ya Jumatano kwa bunge la Congress zitasaidia kuhakikisha msaada kwa mikoa iliyoathiriwa hadi Desemba 31. Programu hii ilikua ilitenga wiki dola bilioni 10 kutoka hazina ta serikali.
White imetenga dola milioni200 kila siku kwa msaada wa ujenzi.
Mpango wa taifa wa bima didi ya mafuriko, ambayo inalinda karibu familia milioni tano na makampuni, unadaiwa dola bilioni 16, deni ambalo White House imeaahidi kufuta, huku ikirekebisha hali ya sera ya bima.

KIMBUNGA NATE CHASABABISHA UHALIBIFU KUBWA AMERIKA YA KATI

media Kimbunga Nate kimeua watu zaidi ya 20 katika nchi za Amerika ya Kati. AFP PHOTO / HANDOUT / NASA
Kimbunga Nate kimesababisha uharibifu mkubwa Amerika ya Kati ambopo watu zaidi ya 20 wamepotza maisha nchini Costa Rica, Nicaragua na Honduras. Kimbunga hicho kwa sasa kinaelekea kaskazini upande wa Marekani.
Kimbunga hicho kimesababisha mvua kubwa, maporomoko ya udongo, mafuriko na barabara nyingi hazipitiki, madaraja yameporomoka na pia kimesababisha uharibifu mkubwa kwenye nyumba za watu na majengo.
Hali ya dharura imetangazwa katika mataifa kadha ya Amerika ya Kati ambapo watu zaidi ya 20 bado hawajulikani walipo.
Inaripotiwa kuwa nchini Costa Rica, maelfu ya watuwameachwa bila makao na wanalala kwenye vyumba vya muda, huku watu karibu 400,000 hawana maji.
Maafisa wa usalama nchini humo wamethibitisha kuwa watu zaidi ya sita wamepoteza maisha.
Nchini Costa Rica, safari zote za treni zimesitishwa na safari kadha za ndege pia zimefutwa.
Mbuga kadha za taifa ambazo ni maarufu kwa watalii pia zimefungwa kama tahadhari.
Nchini Honduras watu watatu ndio inaaminika kuwa wameuawa. Hata hivyo mashahidi wanasema kuwa kuna watu kadhaa ambao hawajulikani waliko.
Watu wengine 11 waliuawa kimbunga hicho kilipokuwa kinaelekea kaskazini na kufika Nicaragua na kimesababisha uharibifu mkubwa kwenye miundo mbinu nchini humo.
Kampuni za mafuta zinazohudumu katika Ghuba ya Mexico zimetangaza kwamba zinawahamisha watu kutoka kwenye visima vyake ambavyo vipo maeneo ambayo inatarajiwa kimbunga Nate kitapitia.
Watabiri wanasema kimbunga Nate kitaimarika na kuwa kimbunga cha ngazi 1 kabla ya kuyakumba maeneo ya pwani ya kusini mwa Marekani siku ya Jumapili.

Thursday, October 5, 2017

AYATULLAH SHIRAZI: IRAN IZIDISHE MASHINIKIZO DHIDI YA SERIKALI YA MYANMAR

Ayatullah Shirazi: Iran izidishe mashinikizo dhidi ya serikali ya Myanmar
Ayatullah Makarim Shirazi ambaye ni miongoni mwa wanazuoni wakubwa wa Kiislamu nchini Iran ameitaka serikali ya Tehran kuzidisha mashinikizo dhidi ya serikali ya Myanmar kutokana na mauaji yanayoendelea kufanywa na Mabudha wa nchi hiyo wakishirikiana na jeshi la serikali dhidi ya Waislamu wa Rohingya.
Akiashiria hali mbaya ya Waislamu wanaoendelea kuuawa wa Rohingya, Ayatullah Shirazi amesema, Wizara ya Mambo ya Nje ya Iran inapaswa kutumia uwezo wake wote na jumuiya za kimataifa kuishikiza zaidi serikali ya Myanmar.
Amesema kuwa kadhia ya Waislamu wa Rohingya linapaswa kuendelea kupewa kipaumbele zaidi katika ajenda ya Wizara ya Mambo ya Nje ya Iran hadi pale mauaji dhidi yao yatakaposimamishwa. 
Maandamano ya kupinga mauaji ya kimbari dhidi ya Waislamu Myanmar
Takwimu zinasema kuwa, zaidi ya Waislamu elfu sita wa Rohingya wameuawa na malaki ya wengine wamelazimishwa kuwa wakimbizi katika nchi jirani ya Banghadesh tangu tarehe 25 mwezi uliopita wa Agosti kutokana na mauaji yanayofanywa na Mabudha wenye misimamo mikali wakishirikiana na jeshi la serikali ya Myanmar katika mkoa wa Rakhine.