TRUMP AMSHUTUMU OBAMA KWA UDUKUZI

Rais wa Marekani Donald Trump amemshutumu mtangulizi wake Barack Obama kwa kutega simu za ofisi yake iliyoko New York wakati kampeini za urais. Kupitia ukurasa wake wa Twitter, Trump amesema kuwa ndio kwanza amegundua kuwa Obama alitega simu za ofisi yake iliyoko katika jengo la Trump Tower kabla ya ushindi wake lakini hakutaja chanzo cha taarifa zake hizo.Madai hayo ya Trump yanakuja huku utawala wake ukikabiliwa na maswali kuhusu wanachama wa kundi lake la kampeini kuwasiliana na Urusi kabla ya yeye kuapishwa kuwa Rais wa Marekani. Hotuba ya kwanza ya kiongozi huyo mpya wa Marekani bungeni wiki hii iligubikwa na ufichuzi kuwa mwanasheria mkuu Jeff Sessions alikutana mara mbili na balozi wa Urusi nchini Marekani mara mbili, jambo ambalo hakulifichua kabla ya kuteuliwa kuwa mwanasheria mkuu. Mashirika ya ujasusi ya Marekani yamesema ushawishi wa Urusi ulimsaidia Trump kushinda uchaguzi.

JENGO LA REDIO YA GENGE LA DAESH, MOSUL LADHIBITIWA NA JESHI LA IRAQ

Habari kutoka mkoa wa Nainawa (Nineveh) nchini Iraq zinaarifu kwamba jeshi la nchi hiyo limedhibiti jengo la redio ya kundi la kigaidi na ukufurishaji la Daesh kwa jina la al-Bayan.

Jeshi la Iraq limekomboa eneo la Jawasaq katika pwani ya upande wa kulia ya mji wa Mosul, sambamba na kubaini jengo na mnara wa kurushia matangazo wa redio ya kundi hilo kwa jina la al-Bayan katika mji huo. Kabla ya jeshi la Iraq kuwasili katika eneo hilo, genge hilo la kigaidi lililichoma moto jengo la redio hiyo ili kupoteza ushahidi.

Gaidi wa Daesh akiwa redioni zamani

Hata hivyo jeshi la Iraq liliweza kunasa nyaraka muhimu katika nyumba iliyokuwa karibu na jengo la redio hiyo ambazo zinajumuisha ripoti muhimu za kiintelijensia za timu yote ya kundi hilo.

Itafahamika kuwa, redio hiyo ya kundi la Daesh (ISIS) ilikuwa ikitangaza kwa lugha tano tofauti na kutoa matangazo ya kuwataka raia kutekeleza operesheni za kigaidi. Kusambaratishwa redio hiyo kunatajwa kuwa pigo jingine kubwa dhidi ya genge hilo linalopata himaya kutoka Marekani, Israel, Saudia na baadhi ya za Kiarabu na Magharibi.

Redio Bayan ya magaidi wa Daesh

Wakati huo huo kitengo cha intelijensia katika jeshi la Iraq kimetangaza habari ya kuuawa Abu Abdur-Rahman al-Answar, kiongozi wa genge la kigaidi kwa jina la Jundul-Khilafah lenye mafungamano na kundi la Daesh huko magharibi mwa mji wa Mosul. Kwa mujibu wa ripoti hiyo gaidi huyo mwenye uraia wa Saudia ameuawa katika shambulio la anga akiwa pamoja na viongozi wengine sita wa kundi hilo.

Jengo hilo baada ya magaidi hao kuliteketeza moto

Jeshi la Iraq lilmetanga kuwa, kundi  la Daesh (ISIS) limekuwa likitumia silaha zenye gesi ya sumu katika kulizuia jeshi hilo kusonga mbele katika maeneo yaliyosalia ya mji huo wa Mosul.

MAELFU WAKIMBIA MAPIGANO MAKALI SYRIA

Maelfu ya raia wa Syria wameyakimbia mapigano makali kati ya vikosi vya serikali  vinayoungwa mkono na Russia na wapiganaji wa jihadi wa kundi lilalojiita Dola la Kiislamu wiki moja iliopita.

Vikosi vya serikali ya Syria vikisaidiwa na mashambulizi ya anga na mizinga ya Russia vimeendesha mapambano makali dhidi ya kundi la Dola la Kiislamu na kuviteka takriban vijiji 80 viliokuwa kwenye mikono ya wapiganaji hao wa jihadi tokea katikati ya mwezi wa Januari.

Kwa mujibu wa shirika la uangalizi wa haki za binaadamu nchini Syria lengo la mashambulizi ya vikosi vya serikali ni kuuteka mji wa Kahafsah unaoshikiliwa na kundi la IS mji ambao una kituo kikuu chenye kusambaza maji kwa mji wa Allepo.

Wakaazi katika mji wa Allepo ambao ni mji wa pili kwa ukubwa nchini Syria wamekuwa hawapati huduma ya maji kwa siku 47 baada ya wapiganaji wa jihadi kukata usambazaji wa maji kwa mji huo.Mapigano hayo katika kipindi cha wiki moja yamesababisha wimbi la zaidi ya raia 30,000 kukimbia wengi wao wakiwa ni wanawake na watoto.

Wengi wakimbilia mji wa Manbij

Miji ya Syria yageuzwa magofu kutokana na mapigano.

Mkuu wa shirika hilo Rami Abdel-Rahman amesema wengi ya watu waliokimbia mapigano hayo wamekwenda kwenye maeneo karibu na mji wa Manbij unaodhibitiwa na vijkosi vya (SDF) washirika wa wapiganaji wa Kikudi na Waarabu wanaoungwa mkono na Marekani ambayo pia inapambana na kundi hilo la IS.

Wengi wao wameshuhudiwa wakielekea katika mji huo kwa kutumia piki piki,mabasi madogo na magari na wengi wao wameonekana kuwa wachovu wakiwa katika misururu kwenye kituo cha ukaguzi kwa jili ya kupekuliwa na kupata ruhusa ya kuingia.

Ibrahim al-Quftan mwenyekiti mwenza wa mamlaka ya kiraia ya mji wa Manbij ameliambia shirika la habari la AFP kwamba takriban watu 40,000 wamewasili katika mji huo katika siku za hivi karibuni.Ameongeza kusema idadi hiyo ya watu waliopotezewa makaazi inaendelea kuongezeka kutokana na mapigano kati ya majeshi ya serikali ya Syria na kundi la Daesh kama linavyotambulikana kwa Kiarabu (Dola la Kiislam).

Mji waemewa na wimbi jipya la waliopoteza makaazi

Wanajeshi wa Russia wakishiriki mapigano katika mji wa Allepo.

Na kwa mujibu wa Abdel Rahman wa shirika la haki za binaadamu nchini Syria mji huo wa Manbij tayari unawapa hifadhi maelfu ya watu waliopotezewa makaazi ambao waliyakimbia mapigano yaliyopita katika eneo hilo na wanaishi katika mazingira magumu.Amesema hali hiyo itafanya iwe vigumu kwa mamlaka ya mji huo kukaribisha wimbi jipya la watu waliopotezewa makaazi kutokana na kutokuwa na uwezo wa kushughulikia mahitaji yao ya msingi.

Vita vya wenyewe kwa wenyewe vilianza nchini Syria hapo mwezi wa Machi mwaka 2011 zaidi ya nusu ya idadi ya watu wake kabla ya vita hivyo kuanza wamelazimika kuyakimbia makaazi yao.Mkoa wa kaskazini wa Aleppo una maelfu ya Wasyria waliopotezewa makaazi wengi wao wakiwa katika makambi na mpaka na Uturuki.

Zaidi ya watu 310,000 wameuwawa tokea mzozo huo wa Syria ulipoanza kwa maandamano ya kupinga utawala wa Rais Bashar al-Assad lakini juhudi za kimataifa za kukomesha mzozo hadi sasa zimeshindwa.

RAIS YOWERI MUSEVENI AMALIZA ZIARA YAKE YA SIKU MBILI NA KUREJEA NCHINI KWAKE

 Rais wa Jamhuri ya Muungano wa Tanzania Dkt. John Pombe Magufuli akimpokea Mgeni wake Rais wa Uganda Yoweri Kaguta Museveni mara baada ya kuwasili katika uwanja wa Ndege wa Kimataifa wa Julius Nyerere Terminal 1 kwa ajili ya kurejea nchini kwake Uganda mara baada ya kumaliza ziara yake ya siku mbili hapa nchini. 

 Rais wa Jamhuri ya Muungano wa Tanzania Dkt. John Pombe Magufuli akizungumza na mgeni wake Rais wa Uganda Yoweri Kaguta Museveni katika Uwanja wa Ndege wa Kimataifa wa Julius Nyerere Terminal 1 kabla ya kuondoka  ma kurejea nchini kwake. 

 Rais wa Jamhuri ya Muungano wa Tanzania Dkt. John Pombe Magufuli akizungumza na mgeni wake Rais wa Uganda Yoweri Kaguta Museveni katika Uwanja wa Ndege wa Kimataifa wa Julius Nyerere Terminal 1 kabla ya kuondoka  ma kurejea nchini kwake.

 Rais wa Jamhuri ya Muungano wa Tanzania Dkt. John Pombe Magufuli akiwa na mgeni wake Rais wa Uganda Yoweri Kaguta Museveni wakati nyimbo za Mataifa mawili zilipokuwa zikipigwa katika uwanja wa Ndege wa Kimataifa wa Julius Nyerere Terminal 1.

 

 Rais wa Jamhuri ya Muungano wa Tanzania Dkt. John Pombe Magufuli akiwa na Makamu wa Rais Samia Suluhu Hassan pamoja na Waziri Mkuu Kassim Majaliwa wakifurahia jambo wakati walipokwenda kumsindikiza Rais wa Uganda Yoweri Kaguta Museveni katika uwanja wa Ndege wa Kimataifa wa Julius Nyerere Terminal 1.

 Rais wa Jamhuri ya Muungano wa Tanzania Dkt. John Pombe Magufuli akiagana na mgeni wake Rais wa Uganda Yoweri Kaguta Museveni kabla hajapanda ndege na kurejea nchini kwake Uganda mara baada ya kumaliza ziara yake hapa nchini.

 Makamu wa Rais Samia Suluhu Hassan akiagana na Rais wa Uganda Yoweri Kaguta Museveni kabla hajapanda ndege na kurejea nchini kwake Uganda mara baada ya kumaliza ziara yake hapa nchini.

 Mmoja wa Mtumbuizaji Uwanjani hapo akionesha umahiri wake wa kupuliza Tarumbeta. 

Benderea za Matifa mawili ya Uganda na Tanzania zikipepea Uwanjani hapo. (PICHA NA IKULU)

RAIS MUSEVENI ATEMBELEA VIWANDA VYA BAKRESA JIJINI DAR ES SALAA LEO, AWAKARIBISHA WATANZANIA KUWEKEZA NCHINI UGANDA

 Afisa Mtendaji Mkuu wa Kundi la Makampuni ya Bakhresa  Bw. Salim Aziz akimkabidhi zawadi Rais wa Uganda Mhe. Yoweri Kaguta Museveni baada ya kumaliza ziara katika viwanda vya Kuzalisha Unga wa Ngano Cha Bakhresa Food Products kilichopo Buguruni  na  Kiwanda cha Juisi cha Azam kilichopo Vingunguti Jijini Dar es Salaam leo. 

Rais wa Uganda Mhe. Yoweri Kaguta Museveni akifurahia zawadi aliyopewa na Afisa Mtendaji Mkuu wa Kundi la Makampuni ya Bakhresa Bw. Salim Aziz (wapili kulia) mara baada ya kumaliza ziara katika viwanda vya Kuzalisha Unga wa Ngano Cha Bakhresa Food Products kilichopo Buguruni  na  Kiwanda cha Juisi cha Azam kilichopo Vingunguti Jijini Dar es Salaam leo. Kulia kwake ni Waziri wa Mambo ya Nje na Ushirikiano wa Afrika Mashariki Balozi Dkt. Augustine Mahiga.

 Rais wa Uganda Mhe. Yoweri Kaguta Museveni akishukuru kwa kupewa zawadi ya maboksi ya Juisi za Azam mara baada ya kumaliza ziara katika Kiwanda cha Kuzalisha Unga wa Ngano Cha Bakhresa Food Products kilichopo Buguruni  na  Kiwanda cha Juisi cha Azam kilichopo Vingunguti Jijini Dar es Salaam leo. Kulia kwake ni Waziri wa Mambo ya Nje na Ushirikiano wa Afrika Mashariki Balozi Dkt. Augustine Mahiga na Afisa Mtendaji Mkuu wa Kundi la Makampuni ya Bakhresa Bw. Salim Aziz (kulia).

 Waziri wa Viwanda, Biashara na Uwekezaji Mhe. Charles Mwijage akifafanua jambo mbele ya waandishi wa habari mara baada ya kumalizika kwa Ziara ya Rais wa Uganda Mhe. Yoweri Kaguta Museveni katika viwanda vya Kuzalisha Unga wa Ngano Cha Bakhresa Food Products kilichopo Buguruni  na  Kiwanda cha Juisi cha Azam kilichopo Vingunguti Jijini Dar es Salaam leo. Kulia ni Afisa Mtendaji Mkuu wa Kundi la Makampuni ya Bakhresa Bw. Salim Aziz.

 Rais wa Uganda Mhe.Yoweri Museveni(wapili kushoto) akiulizia jambo wakati wa ziara yake katika viwanda vya Kuzalisha Juisi cha Azam kilichopo Vingunguti jijini Dar es Salaam leo. Kutoka kushoto ni Afisa Mtendaji Mkuu wa Kundi la Makampuni ya Bakhresa Bw. Salim Aziz, Mkurugenzi wa Mahusiano wa Kundi la Makampuni ya Bakhresa Hussein Sufiani na Katibu Mkuu wa Wizara ya Viwanda, Biashara na Uwekezaji Dkt. Adelhelm Meru.

 Rais wa Uganda Mhe. Yoweri Kaguta Museveni akishukuru kwa kupewa zawadi ya maboksi ya Juisi za Azam mara baada ya kumaliza ziara katika Kiwanda cha Kuzalisha Unga wa Ngano Cha Bakhresa Food Products kilichopo Buguruni  na  Kiwanda cha Juisi cha Azam kilichopo Vingunguti Jijini Dar es Salaam leo. Kulia kwake ni Waziri wa Mambo ya Nje na Ushirikiano wa Afrika Mashariki Balozi Dkt. Augustine Mahiga na Afisa Mtendaji Mkuu wa Kundi la Makampuni ya Bakhresa Bw. Salim Aziz (kulia).

 Mkurugenzi wa Mahusiano wa Kundi la Makampuni ya Bakhresa akifafanua jambo mbele ya waandishi wa habari mara baada ya kumalizika kwa Ziara ya Rais wa Uganda Mhe. Yoweri Kaguta Museveni katika viwanda vya Kuzalisha Unga wa Ngano Cha Bakhresa Food Products kilichopo Buguruni  na  Kiwanda cha Juisi cha Azam kilichopo Vingunguti Jijini Dar es Salaam leo.

Rais wa Uganda Mhe. Yoweri Kaguta Museveni(mweneye kofia) akiwa katika picha ya pamoja na menejimenti ya Kundi la Makampuni ya Bakhresa mara baada ya kumaliza ziara katika Kiwanda cha Kuzalisha Unga wa Ngano Cha Bakhresa Food Products kilichopo Buguruni  na  Kiwanda cha Juisi cha Azam kilichopo Vingunguti Jijini Dar es Salaam leo.

Picha zote na: Frank Shija – MAELEZO.

 Afisa Mtendaji Mkuu wa Kundi la Makampuni ya Bakhresa  Bw. Salim Aziz akimtambulisha Rais wa Uganda Mhe. Yoweri Kaguta Museveni kwa wafanyakazi wa alipofanya ziara katika viwanda vya Kuzalisha Unga wa Ngano Cha Bakhresa Food Products kilichopo Buguruni  na  Kiwanda cha Juisi cha Azam kilichopo Vingunguti Jijini Dar es Salaam leo.  

 Mkurugenzi wa Mahusiano wa Kundi la Makampuni ya Bakhresa akimwelezea jambo Rais wa Uganda Mhe. Yoweri Kaguta Museveni kwa wafanyakazi wa alipofanya ziara katika Kiwanda cha Kuzalisha Unga wa Ngano Cha Bakhresa Food Products kilichopo Buguruni  na  Kiwanda cha Juisi cha Azam kilichopo Vingunguti Jijini Dar es Salaam leo. 

 Rais wa Uganda Mhe. Yoweri Kaguta Museveni akiwasili katika Kiwanda cha Juisi cha Azam kilichopo Vingunguti Jijini Dar es Salaam leo.Kulia ni Afisa Mtendaji Mkuu wa Kundi la Kampuni za Bakhresa  Bw. Salim Aziz.

 Rais wa Uganda Mhe. Yoweri Museveni akiangalia namna Juisi ya Azam inavyotengenezwa alipofanya ziara katika Kiwanda hicho leo Jijini Dar es Saalam. Kulia ni Waziri wa Viwanda, Biashara na Uwekezaji Mhe.Charles Mwijage.

 Baadhi ya wafanyakazi wa Kundi la Makampuni  ya Bakhresa wakifurahia ugeni wa Rais wa Uganda Mhe. Yoweri Museveni(hayupo pichani) wakati wa ziara yake katika viwanda vya Kuzalisha Juisi cha Azam kilichopo Vingunguti jijini Dar es Salaam leo.

MAZOEZI YA KIJESHI YA IRAN YANA UJUMBE WA AMANI

Kamanda wa Jeshi la Majini la Jamhuri ya Kiislamu ya Iran amesema lengo la mazoezi ya majini ya Wilayat 95 ni kutuma ujumbe wa amani na urafiki kwa nchi za eneo sambamba na kuinua kiwango cha kujihami Iran.

Admeri Habibullah Sayyari Kamanda wa Jeshi la Majini la Iran aliyasema hayo Jumamosi usiku katika mahojiano na Kanali ya Pili ya Televisheni ya Iran. Amesema awamu ya mwisho ya mazoezi ya kijeshi yaliyopewa jina la "Wilayat 95" yanaanza leo Jumapili na kuongeza kuwa, upana wa eneo la mazoezi ni karibu kilomita mraba milioni mbili kuanzia Lango Bahari la Hormoz kuelekea  Bahari ya Oman hadi Kaskazini mwa Bahari ya Hindi yapata daraja 10 kutoka mstari wa ikweta.

Admeri Sayyari amesema, kati ya malengo ya mazoezi hayo ni kuwapa wanajeshi vijana uzoefu wa kikazi na kufanyia majaribio silaha mbali mbali. Aidha ametaja lengo jingine la luteka hiyo kuwa ni kudumisha amani katika eneo na kukabiliana na ugaidi pamoja na uharamia na kuongeza kuwa: "Hadi sasa misafara ya meli za kivita za Iran imezisaidia meli za nchi 25 duniani zikiwemo za Ufaransa, Uingereza na Marekani katika kukabiliana na maharamia.

Manowari ya Iran katika mazoezi ya kivita

Admeri Sayyari amesema tokea mwaka 2008 hadi sasa, manowari za Iran zimesindikiza meli za mafuta na za kibiashara zipatazo 3,850  katika eneo la Bahari ya Hindi na Babul Mandab.

Admeri Sayyari amesema Iran ina uhusiano mzuri na nchi zote zenye mipaka katika Bahari ya Hindi na Bahari ya Kaspi na kuongeza kuwa, mwaka 2018 Iran itakuwa mwenyeji wa makamanda wa majeshi ya majini ya nchi zinazopakana na Bahari ya Hindi.

UN YATAKA UCHAGUZI UFANYIKE KUHUSU MAUAJI KASAI, DRC

Baraza la Usalama la Umoja wa Mataifa limetoa taarifa likilaani vikali matukio ya utumiaji mabavu yaliyotokea katika miezi ya hivi karibuni huko Kasai, Jamhuri ya Kidemokrasia ya Congo, na kuihimiza serikali ya nchi hiyo kuchunguza mara moja matukio hayo.

Katika taarifa, Baraza la Usalama la Umoja wa Mataifa  limeashiria ghasia katika miezi ya hivi karibuni huko  Kasai na kutokana na hali hiyo, wajumbe wa Baraza hilo wamesema wana hofu kutokana na ukiukwaji mkubwa wa sheria za kibinadamu za kimataifa kukiwemo wanamgambo kutumikisha watoto vitani na jeshi la serikali kuua raia.

Wamesema vitendo vyote hivyo vinaweza kuwa uhalifu wa kivita chini ya sheria za kimataifa hivyo wametaka serikali iwajibike kulinda raia na ijizuie kutumia nguvu za kijeshi kupita kiasi.

Wameitaka serikali kufanya uchunguzi usioegemea upande wowote na wahusika wafikishwe mbele ya sheria huku wakisema kuwa ujumbe wa umoja huo DRC, MONUSCO utakuwa tayari kusaidia iwapo utaombwa kufanya hivyo.

Kuhusu uchaguzi, wajumbe hao wamesisitiza umuhimu wa serikali ya DRC na wadau wa kitaifa kuchukua hatua zote muhimu za kuandaa uchaguzi huo bila kuchelewa na kuhakikisha mazingira ni salama kwa uchaguzi huru na wa haki.

Waasi nchini DRC

Wametoa wito kwa wadau wa maendeleo wa DRC kusaidia ili kufanikisha uchaguzi huku wakisema wako tayari kufanikisha utekelezaji wa makubaliano ya tarehe 31 mwezi Disemba mwaka jana yanayohusisha pia uchaguzi.

Siku chache zilizopita, Kamishna Mkuu wa Haki za Binadamu wa Umoja wa Mataifa Zeid Ra’ad Al Hussein aliitaka serikali ya Jamhuri ya Kidemokrasia ya Congo kuchukua hatua za haraka kusitisha ukiukwaji mkubwa wa haki za binadamu, ikiwa ni pamoja na mauaji ya raia yanayofanywa na jeshi la nchi hiyo. Alisema kuna habari za kuaminika na madai ya ukiukwaji mkubwa wa haki za binadamu katika eneo la Kasai  ya Kati na Mashariki na jimbo la lomami, huku kukiwa na kuzorota kwa kasi hali ya usalama na watu wakilengwa na askari kwa madai ya kuwa na uhusiano na wanamgambo wa ndani.